Дмитриевка ауылдық кітапханасы  "Сапарғали Бегалиннің туғанына 125 жыл". Ғибратты ғұмыр рубрикасы  аясында таныстыру сағатты өткізілді.

САПАРҒАЛИ ЫСҚАҚҰЛЫ БЕГАЛИННІҢ ТУЫЛҒАНЫНА 125 ЖЫЛ 

Сапарғали Бегалин (1895–1983) 24 қарашада Шығыс Қазақстан облысы, Абай ауданы, Дегелең ауылында дүниеге келген. Қазақ балалар әдебиетінің негізін қалаушылардың бірі болып саналады. 1915 жылы Семей қаласындағы орыс-қырғыз (қазақ) училищесін бітірген. 

1929–1935 жж. Дегелең облыстық атқару комитетінің төрағасы, Қарқаралы уездік атқару комитетінің мүшесі болған. Бөлім меңгерушісінің орынбасары, аудандық халық судьясы болды. Қазақ егіншілік халық комиссариатында, Түркісіб басқармасында жауапты жұмыстар атқарып, еңбек етті. 

1935–1956 жж. «Теміржолшы» газетінде, Қазақ КСР ҒАның Тіл және әдебиет институтында (қазіргі Әдебиет және өнер институты), Қазақстан Жазушылар одағында қызмет етті. Алғашқы «Қазақ бозбалаларына» атты өлеңі 1914 жылы «Айқап» журналының № 9 санында басылды. «Қыран кегі», «Цимлян теңізі» , «Таңдамалы» , «Сырлы қайнар» т.б. өлеңдер мен поэмалар, «Көксегеннің көргендері», «Ермектің алмасы» , «Сәтжан», «Жас бұтақ» , «Жеткіншектер» , «Мектеп түлектері» , «Шоқан асулары» , «Қыран туралы аңыз» , «Екі томдық шығармалар» , т.б. әңгіме, повестер жинақтары, және «Замана белестері» романы жарық көрді. 

Халық ақындарының шығармаларын сұрыптап, жинақ етіп шығарды («Халық ақындары», 1953; «Өмір жыры», 1953), өнер саңлақтары жөнінде («Сахара сандуғаштары», 1976), жыр алыбы Ж.Жабаев туралы монография жазды. Көптеген туындылары шетел тілдеріне аударылды. 

Халықтар Достығы және «Құрмет Белгісі» (2 рет) ордендерімен және медальдармен марапатталған.